БАЯР НААДМЫН ӨДРҮҮДЭД ХУДАЛДАА, ҮЙЛЧИЛГЭЭ ЭРХЛЭГЧ ИРГЭН, АЖ АХУЙН НЭГЖҮҮДИЙН АНХААРАЛД
Даланжаргалан сумын түүхт 102 жилийн ойн баяр наадам-ын үеэр худалдаа, үйлчилгээ, нийтийн хоолны чиглэлээр үйл ажиллагаа эрхлэх иргэн, аж ахуйн нэгжүүд дараах зөвлөмжийг мөрдөн ажиллана уу.
Ажилтан бүр зориулалтын ажлын хувцас, хамгаалах хэрэгсэлтэй байх. Нийтийн хоолны үйлчилгээ эрхлэгч нь ашиглах махандаа мал эмнэлэг, ариун цэврийн шинжилгээний хүчин төгөлдөр бичигтэй байх. Үйлчилгээний цэг нь сүүдрэвч, ширээ, сандалтай, эрүүл ахуйн шаардлага хангасан орчин бүрдүүлсэн байх. Үйлчилгээний цэг бүр хогийн савтай байж, өдөр бүр үйл ажиллагаа дуусмагц орчны хог хаягдлыг бүрэн цэвэрлэх. Хийн түлш болон тоног төхөөрөмжийн аюулгүй ажиллагааны дүрмийг чанд мөрдөх. Хадгалах хугацаа дууссан, чанарын баталгаагүй, гарал үүсэл тодорхойгүй бараа бүтээгдэхүүн худалдаалахгүй байх. Баяр наадмын талбайд архи, согтууруулах ундаа худалдах, үйлчлэхгүй байх. Эрүүл ахуй, хүнсний аюулгүй байдлыг хангаж, байгаль орчныг бохирдуулахгүй, соёлтой, иргэдэд ээлтэй үйлчилгээ үзүүлэх.
