АВЛИГЫН ЭСРЭГ ХУУЛЬ, НИЙТИЙН АЛБАНД НИЙТИЙН БОЛОН ХУВИЙН АШИГ СОНИРХЛЫГ ЗОХИЦУУЛАХ, АШИГ СОНИРХЛЫН ЗӨРЧЛӨӨС УРЬДЧИЛАН СЭРГИЙЛЭХ ТУХАЙ ХУУЛИЙН ХЭРЭГЖИЛТ
Авлигын эсрэг хуулийн 13 дугаар зүйлийн 13.3 дах заалт, Монгол Улсын их хурлын Хууль зүйн байнгын хорооны 2012 оны 05 дугаар тогтоолын з дахь хэсэг, Авлигатай тэмцэх газрын даргын 2018 оны А/121 дүгээр тушаалаар батлагдсан “Албан тушаалтны хувийн ашиг сонирхлын мэдүүлэг болон хөрөнгө, орлогын мэдүүлгийг бүртгэх, хянах, хадгалах эрх бүхий албан тушаалтны үйл ажиллагааны журам”-ын дагуу Авлигын эсрэг хууль, Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуулийг хэрэгжүүлэн Авилга, ашиг сонирхлын зөрчлөөс урьдчилан сэргийлэх, соён гэгээрүүлэх, байгууллагын ил тод байдлыг хангахаар Авилгын эсрэг үйл ажиллагааны төлөвлөгөөг боловсруулан хэрэгжүүлж ажиллаж байна. Үүнд:
Нэг. Байгууллагын ил тод нээлттэй байдлыг хангах чиглэлээр
Мэдээллийн ил тод байдал ба мэдээлэл авах эрхийн тухай хууль, Төсвийн тухай хууль, Шилэн дансны тухай хууль, Эдийн засгийн тод байдлыг дэмжих тухай хуулиудыг хэрэгжүүлж Иргэдийн төлөөлөгчдийн хурлын болон орон нутгийн холбогдолтой мэдээ мэдээлэл, Иргэдийн төлөөлөгчдийн хурлаас гарсан шийдвэрийг www.dornogobi.dalanjargalan,khural.mn цахим хуудсанд байршуулан, иргэдийн хэрэглээнд үндэслэн ИРГЭДИЙН ОРОЛЦОО фасебүүк Даланжаргалан сумын Засаг даргын тамгын газар пэйж хуудсандаа холбон хүргэж байна. Мөн байгууллагынхаа цахим хуудсанд “Шилэн дансны мэдээлэл” гэсэн ангилал нэмж www.shilendans.mn сайттай холбож өгсөнөөр иргэд мэдээлэл авахад илүү хялбар байх боломжийг бүрдүүлсэн.
Хоёр: Хууль сурталчлах, соён гэгээрүүлэх чиглэлээр
Эрх зүйн салбарын шинэчлэлийн хүрээнд шинээр батлагдсан гарсан хууль тогтоомжийг олон нийтэд сурталчлах, таниулах зорилгоор шторкуудыг www.youtube.com болон http://mojha.gov.mn/, www.iaac.mn, http://www.president.mn сайтуудаас татан авч www.facebook.com/dornogobi.dalanjargalan.ith хуудсаараа сурталчилж байна.
Төрийн албан хаагчдын дунд Авлигаас ангид байх, урьдчилан сэргийлэх мэдээ мэдээллийг нийгэмд түгээх, манлайлал нь байх чиглэлээр “Шинэ үе, шилдэг боловсон хүчин бидний манлайлал, бидний үлгэрлэл” сургалт зохион байгуулсан.Сургалтад төрийн байгууллагын нийт 25 албан хаагч хамрагдсан.
Гурав. Эрх бүхий албан тушаалтны үйл ажиллагааны талаар
2023 оны 1 дүгээр сарын 15-наас 2 дугаар сарын 15-ны өдрүүдэд Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуулийн 23 дугаар зүйлийн 23.2 дахь заалтын хэрэгжилтийг ханган гаргаж буй 14-н мэдүүлэг гаргагчид ХАСХОМ мэдүүлэх талаар арга зүйн зөвлөмж өгч, Мэдүүлгийн тайланг хуулийн хугацаанд аймгийн Эрх бүхий албан тушаалтанд хүргүүлсэн. Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуулийн 8 дугаар зүйлийн дагуу ирүүлсэн 9-н мэдэгдэл, тайлбарыг www.meduuleg.iaac.mn цахим системд оруулсан байна.
Хувийн ашиг сонирхлын урьдчилсан мэдүүлэгийн бүртгэлийн системд нийтийн албанд томилогдохоор нэр дэвшсэн 2-н иргэний мэдээлэлийг баталгаажуулж илгээсэн.
