ДАЛАНЖАРГАЛАН СУМЫН ЗАСАГ ДАРГЫН ТАМГЫН ГАЗРЫН ТАНИЛЦУУЛАГА
Даланжаргалан сум Ардын хувьсгалын ялалтын дараахан нутгийн захиргаадыг байгуулахад Хан Хэнтий аймгийн Оцол сансар уулын хошуунд харьяалагдаж байгаад 1924 онд БНМАУ-ын Бага хурлын тэргүүлэгчдийн V тогтоолоор “Даланжаргалан сум” нэртэйгээр Боржигон Цэцэн вангийн хошууны нутаг "Элдэв" хэмээх газарт байгуулагдсан юм.
Даланжаргалан сум нь засаг захиргааны анхан шатны Элдэв, Өнгөт, Бичигт, Цомог, Олон-Овоо гэсэн 5 нэгжтэй, 3008 хүн амтай, 969 өрхтэй, 215,2 мян.толгой малтай, эдийн засгийн голлох салбар нь мал аж ахуй юм.
Монгол улсын Үндсэн хууль, Засаг захиргаа, нутаг дэвсгэрийн нэгж, түүний удирдлагын тухай хууль, Төрийн албаны тухай хууль, Төсвийн тухай хууль болон бусад хууль тогтоомж, МУ-ын Засгийн газар, аймгийн Засаг дарга, сумын Засаг даргын үйл ажиллагааны хөтөлбөрүүд, Иргэдийн Төлөөлөгчдийн Хурал түүний Тэргүүлэгчдийн хуралдаанаас гаргасан шийдвэрийг Засаг даргын эрхлэх асуудлын хүрээнд ажиллах төрийн байгууллага, мэргэжилтэн, албан хаагч, багийн Засаг дарга нарын ажлыг уялдуулан оновчтой бодлого, зохицуулалтаар хангаж орон нутгийн хөгжлийн төлөө төрийн болон төрийн бус байгууллага, аж ахуйн нэгж байгууллага, иргэдэд төрийн үйлчилгээг чанартай, шуурхай хүргэхэд үйл ажиллагаа чиглэгдэнэ.
Сумын Засаг даргын Тамгын газар нь Засаг дарга , Засаг даргын орлогч,Тамгын газрын дарга ,таван Багийн засаг дарга,Хууль зүй, Дотоод ажил хариуцсан ажилтан, Нийгмийн бодлогын мэргэжилтэн,Байгаль орчны мэргэжилтэн,Хөдөө аж ахуйн тасгийн дарга,Хүнс жижиг дунд үйлдвэрлэл,хоршооны асуудал хариуцсан мэргэжилтэн,МАА-н үйлдвэрлэлийн төлөвлөлт,менежмент,малын үржил бүртгэлийн асуудал хариуцсан мэргэжилтэн,Санхүүгийн албаны дарга,ажилтан, орон нутгийн байгууллагуудын нягтлан бодогч,Боловсрол соёлын байгууллагуудын нягтлан бодогч ,үйлчилгээний 7-н албан хаагчийн бүрэлдэхүүнтэйгээр үйл ажиллагаагаа явуулдаг бөгөөд манай байгууллагын бүтцэд татвар ,нийгмийн даатгал, нийгмийн халамж,газар,мал эмнэлэгийн тасаг,цагдаагийн байгуулагын ажилтан гэх мэт төрийн албан хаагчид харьяалагдан нийт 37 ажилчин албан хаагчтай үйл ажилагаа явуулж байна.
Эдгээрийн улс төрийн-7 , төрийн захиргааны-16, төрийн тусгай-2, төрийн үйлчилгээний -12 албан хаагчид юм. Манай хамт олны дотор хуульч, багш, экологич, эдийн засагч, ня-бо, газар зохион багуулагч, малын их эмч зэрэг бакалавраас магистрын дээд боловсролтой боловсон хүчнүүд ажилладаг бөгөөд эдгээр мэргэжлийн боловсон хүчнүүд нийт ажиллагсдын 81,2 %-г эзэлж байна. ЗДТГ-ын сүүлийн жилүүдийн амжилтуудаас дурдвал:
- Аймгийн засаг даргын “ Шинэ Дорноговь “ хөгжлийн хөтөлбөрийн 2009 оны үйл ажиллагааны үр дүнгээр 82,4 оноо авч дэд байр
- 2009 оны төрийн өмчийг эзэмшүүлэх гэрээний биелэлтээр 97 оноо авч тэргүүн байр эзлэн “ Тэргүүний өмч эзэмшигч сум “
- 2011 оны үйл ажиллааны үр дүнгээр аймагтаа тэргүүн байр эзлэн “ Тэргүүний сум”
- 2011,2013 онуудад “ Дорноговь түншлэл үзэсгэлэн худалдааны “ Шилдэг сум”
- 2012 онд “Ахмадын дэмжигч сум, байгууллага шалгаруулах болзолт уралдаан”-д “Дэд байр “
- 2014,2015 онуудад “Дорноговь түншлэл-2014” үзэсгэлэн худалдаанд оролцон “Шилдэг сум”
- 2015 онд “Гар худаг”-болзолт уралдаанд идэвх санаачлагатай амжилттай оролцож “Тэргүүн байр”
- 2017 онд “Дорноговьд үйлдвэрлэв-2017” үзэсгэлэн худалдаанд ажилттай оролцож “шилдэг сум”
- 2017 онд Албан байгууллагууд аж ахуй нэгжүүдийн ажилтан албан хаагчдын дунд зохион байгуулсан “Урлагийн үзлэг-2017” арга хэмжээнд хамт олноороо амжилттай оролцож “Дэд байр”
- 2019 онд ЗХ-ний 281 дугаар байгууламжаас зохион байгуулсан “Мини марш тактик”-ын тэмцээнд хамт олноороо амжилттай оролцож “Тэргүүн байр” –аар тус тус шанагдсан.
