ЭРҮҮЛ МЭНДИЙН ТӨВИЙН ТАНИЛЦУУЛГА

ДАЛАНЖАРГАЛАН ЭРҮҮЛ МЭНДИЙН ТӨВИЙН ТАНИЛЦУУЛГА

Тус  эмнэлэг нь 1924 онд Оцол Сансар уулын хошуунд одоогийн Даланжаргалан сум байгуулагдахад улсын бүртгэлд бүртгүүлж нэг бага эмч, нэг санитартайгаар эхлэн  98 жилийн түүхтэй байгууллага юм. 2004 оноос хойш 8 удаагийн магадлан итгэмжлэлд хамрагдсан. 1974 онд 6 ортой эмнэлгийн зориулалтын байр барьж ашиглалтанд оруулсан нь одоог хүртэл ашиглагдаж эмнэлгийн үйл ажиллагаа явуулсаар байна..                     Байгууллагын эрхэм зорилго: Эмнэлгийн мэргэжилтний ёс зүйг дээдэлсэн чанартай тусламж үйлчилгээг үзүүлэхэд оршино.                                                                                                                                     Байгууллагын зорилт:

1. Мэргэжилийн ур чадвар, идэвхи сайтай, өндөр ёс суртахуунтай мэргэжилийн боловсон хүчнээр эмнэлгийг хангах, хүн хүчний нөөцийг бүрдүүлэх
2. Эмнэлгийн үйл ажиллагааны болон эмчилгээ оношилгооны стандартыг хангаж,чадамжийг дээшлүүлэн эрүүл мэндийн тусламжийн хүртээмж чанарыг нэмэгдүүлэн сайжруулах
3. Хүн амд эрүүл зан үйлийг төлөвшүүлэх эрүүл мэндийн боловсрол олгох, салбар хороодын түншлэлийг сайжруулах замаар нийгмийн эрүүл мэндийн бодлогыг хэрэгжүүлэх
4. Үйлчлүүлэгчдэд ээлтэй тав тухтай орчныг бүрдүүлэх
5. Эмнэлгийн хөрөнгө нөөцийг үр ашигтай зарцуулах                         

Манай байгууллага нь  10 ортой. Үүнд:  дотор 4, хүүхэд 4, халдварт 1, төрөх 1

Хүний нөөцийн хангалт: 2022 оны байдлаар  их эмч 4 ,  бага эмч 2,  дүн бүртгэгч 1, лаборант 1,  сувилагч 5,  тогооч 1,  нягтлан бодогч 1 , жолооч 1,  нярав 1, үйлчлэгч 2, Архив бичиг хэргийн ажилтан 1 нийт 20 хүний  бүрэлдэхүүнтэй үйл ажиллагаа явуулж байна.

• Харьяа хүн амын дунд жилд 2 удаа урьдчилан сэргийлэх үзлэг хийдэг.
• Жилд дунджаар 192-211 хүн хэвтэн эмчлүүлж, ор хоног 1571-1637 ашигладаг.
• Жилд дунджаар 8300 үзлэг хийж , 455-643 өвчлөл илрүүлэн эмчилдэг.
• Нийт үзлэгийн 40% нь урьдчилан сэргийлэх үзлэг, 25-30 %  нь гэрийн идэвхитэй үзлэг .
• 2018 оноос Эрүүл мэндийн даатгалын багц тусламжаас сэргээн засах, гэрийн сувилахуй,оношлогоо шинжилгээ, өдрийн эмчилгээний тусламж үйлчилгээг хөгжлийн бэрхшээлтэй иргэд,0-5 насны хүүхэд , өндөр настанд үзүүлдэг.
• 2022 оны 7 сараас гүйцэтгэлийн санхүүжилтийн системд шилжин ажиллаж байна
• Эмч мэргэжилтнүүдийн мэргэжилт ур чадварыг дээшлүүлэх зорилгоор урт богино хугацааны сургалтуудад хамруулж байгаа бөгөөд хүүхдийн эмчийн мэргэжил олгох сургалтанд 1 их эмч,нөхөн сэргээх тусламжийн чиглэлээр 1 их эмч сургалтанд тус тус хамрагдсан.
• 2020 оноос арьсны зайн оношлогооны апплекейшнаар арьс харшлын өвчлөлийг илрүүлэн нарийн мэргэжилийн эмчээс зөвлөгөө аван ажиллаж байна.
• 2022 оноос эмнэлгийн тусламж үйлчилгээнд МОБАЙЛ технологийг хэрэгжүүлэхээр эмч мэргэжилтнүүдийг сургалтанд хамруулан бэлтгэл ажлаа эхүүлээд байна.
• Хүн амыг өвчнөөс урьдчилан сэргийлэх Нийгмийн Эрүүл Мэндийн 14 дэд хөтөлбөрийг амжилттай хэрэгжүүлж байна.
• 2019 оны 11 сараас Ковидын цар тахлын нөхцөл байдалд Ковидын тусгаарлан ажиглах байрыг тохижуулан орон нутгийн болон хөрш зэргэлдээ сумын Ковидоор халдварласан иргэдийг эмчлэн тусламж үйлчилгээ үзүүлэн хариу арга хэмжээг шуурхай авч ажилласан.