"НУТАГТАА ЭЗЭН-100:1000" ТӨСЛИЙН ХҮРЭЭНД ТЭЖЭЭЛИЙН УРГАМЛЫН ТАРИАЛАЛТ ЭХЭЛЛЭЭ
Монгол Улсын Засгийн газраас хэрэгжүүлж буй "Атар-4" тариалангийн тогтвортой хөгжлийн аян-ы хүрээнд мал аж ахуйн үйлдвэрлэлийн хөгжлийг дэмжих, бүтээмжийг нэмэгдүүлэх зорилгоор хэрэгжүүлж буй "НУТАГТАА ЭЗЭН-100:1000" төслийн хүрээнд 2026 оны 06 дугаар сарын 24-ний өдөр Дорноговь аймгийн Хүнс, хөдөө аж ахуйн газрын Газар тариалангийн асуудал хариуцсан ахлах мэргэжилтэн Даланжаргалан сумын Элдэв багт ажиллалаа.
Ажлын хүрээнд төслийн хэрэгжилтийн явцтай танилцаж, малчдад тэжээлийн ургамал тариалах технологи, агротехникийн талаар мэргэжил, арга зүйн зөвлөгөө өгч ажилласан байна.
Төсөл хэрэгжих талбай нь Дорноговь аймгийн Даланжаргалан сумын Элдэв багийн нутаг, сумын төвөөс 54 км зайд орших Дөшийн ар нэртэй газарт байрлах бөгөөд нийт 111 га талбайд тэжээлийн ургамал тариалахаар төлөвлөжээ. Уг төсөлд Элдэв багийн 32 өрх хамрагдан бүлгийн зохион байгуулалтад орон ажиллаж байна.
Тухайн талбайг 2024 онд хагалж, хашаажуулсан бөгөөд малчид овьёос, улаанбуудай, судан өвсний үрийг ариутган нарлуулах ажлыг зохион байгуулж, тариалалтын бэлтгэл ажлыг бүрэн хангаад байна. Мөн хөрс боловсруулалтын ажил бүрэн дуусч, тэжээлийн ургамлын тариалалт эхлээд байна.
Энэхүү төсөл нь малчдыг өөрийн нутагт тэжээлийн нөөц бүрдүүлэх, мал аж ахуйн үйлдвэрлэлийн тогтвортой байдлыг хангах, бэлчээрийн даацын ачааллыг бууруулахад чухал ач холбогдолтой юм.
