ТӨСӨВТ БАЙГУУЛЛАГУУДАД ХЯНАЛТ ШАЛГАЛТ ЗОХИОН БАЙГУУЛЛАА.
Сумын Засаг даргын удирдамжийн дагуу төсөвт байгууллагуудын үйл ажиллагаанд хяналт шалгалт хийх багаар ажиллалаа.
Бодлогын баримт бичиг хяналтад авсан байдал, хэрэгжилт:
Төсөвт байгууллагууд бодлогын баримт бичгүүдийг хяналтад авч хавтас Цэцэрлэгээс бусад байгууллагууд үүсгээгүй байна. Бодлогын баримт бичгийг хяналтад авч хэрэгжилтийг ханган ажиллах хариуцах албан хаагчдад хуваарилан гарын үсэг зуруулан баталгаажуулаагүй байна. Мөн 2022 онд хэрэгжих төлөвлөгөөг цэцэрлэгээс бусад байгууллагууд хяналтад аваагүй байлаа.
Байгууллагууд дэд хөтөлбөрийн хэрэгжилтийг хангаж ажиллах төлөвлөгөө гаргаагүй байна.
Төрийн албан хаагчийн хувийн хэргийн бүрдэлт, Байгууллагын гүйцэтгэлийн төлөвлөгөө боловсруулсан байдал:
Гэмт хэргээс урьдчилан сэргийлэх ажлын төлөвлөгөөг цэцэрлэгээс бусад байгууллагууд боловсруулж батлаагүй байна. Тушаал гаргахдаа хуулийн заалт буруу хэрэглэсэн хүчингүй болсон хуулийн заалт авсан, хавсралттай шийдвэрүүд хавсралтыг хавсаргаагүй нийтлэг зөрчлүүд гарсан.
Архив албан хэрэг хөтлөлтийн үйл ажиллагаа:
Төрийн байгууллагын архив албан хэрэг хөтлөлтийн, төрийн байгууллагын ажлын зохион байгуулалтад хяналт шалгалт хийлээ.
Байгууллагууд боловсруулсан тушаалын хавсралтан дээр тамга дараагүй, баримт бичгийн арын бичилт хийгээгүй, хянасан, боловсруулсан гарын үсэг зураагүй, Боловсруулсан баримт бичгүүд нь албан бичгийн стандартыг хангаагүй, дээд газраас ирсэн тогтоол шийдвэрийг байгууллагад ирсэн албан бичигтэй хамтад нь бүртгэсэн, дээд газраас ирсэн захирамж, тогтоол шийдвэр дээр удирдлагын цохолт хийсэн зэрэг алдаа дутагдлыг гаргасан байна.
Зөвлөмж:
Бодлогын баримт бичгийг бүрэн хяналтад авах байгууллагын гүйцэтгэлийн төлөвлөгөө болон, албан хаагчдын жилийн болон сарын ажлын төлөвлөгөөнд тусгаж хэрэгжилтийг хангаж ажиллах талаар заавар зөвлөмж өгч ажилласан.
Мөн хууль 2020-2021 онд батлагдсан хууль тогтоомжийг хяналтад авч ажиллах талаар зөвлөгөө өгсөн.
Тушаал шийдвэр гаргахдаа хуулийн үндэслэлийг маш сайн хянах, Сумын гэмт хэргээс урьдчилан сэргийлэх төлөвлөгөөтэй уялдуулж төлөвлөгөөг боловсруулах талаар зөвлөмж хүргүүлж байна.
