2022 ОНЫ СУМЫН ЗАСАГ ДАРГЫН ҮЙЛ АЖИЛЛАГААНЫ ХӨТӨЛБӨРИЙН ХЯНАЛТ ШИНЖИЛГЭЭ ҮНЭЛГЭЭНИЙ ТАЙЛАН
НЭГ. ХЯНАЛТ-ШИНЖИЛГЭЭ, ҮНЭЛГЭЭНИЙ ЗОРИЛГО, ҮНДЭСЛЭЛ, АРГА ЗҮЙ
Сумын Засаг даргын үйл ажиллагааны төлөвлөгөөний зорилтын биелэлтийг хангуулах зорилт, арга хэмжээний гүйцэтгэлийн явцын талаар дүгнэлт гаргаж, холбогдох байгууллага, албан тушаалтанд бодит мэдээлэл өгсний үндсэн дээр төлөвлөсөн арга хэмжээг хугацаанд нь хэрэгжүүлэх зохион байгуулалт, зохицуулалтын үйл ажиллагаанд дэмжлэг үзүүлэхэд оршино.
Арга хэмжээ тус бүрийн гүйцэтгэлийн түвшингийн хувийг тогтоохдоо Засгийн газрын 2020 оны 206 дугаар тогтоолоор баталсан “Бодлогын баримт бичгийн хэрэгжилт, захиргааны байгууллагын үйл ажиллагааны хяналт-шинжилгээ, үнэлгээ хийх нийтлэг журам”-ын тус сумын Засаг даргын үйл ажиллагааны төлөвлөгөөний хэрэгжилтийг 2022 оны байдлаар тооцож, хэрэгжилтэд хяналт шинжилгээ хийлээ.
ХОЁР. ХЯНАЛТ-ШИНЖИЛГЭЭ, ҮНЭЛГЭЭНИЙ ҮР ДҮН
2022 оны жилийн эцсийн байдлаар хяналт шинжилгээ, үнэлгээний албан ёсны цахим хуудсанд байршуулсан сумын Засаг даргын үйл ажиллагааны хөтөлбөрийн 6 зорилт 145 арга хэмжээний биелэлтийг гарган, хяналт-шинжилгээ, үнэлгээ хийлээ.
145 арга хэмжээний 104 нь бүрэн хэрэгжсэн буюу 100 хувийн үнэлгээтэй, 20 арга хэмжээ нь тодорхой үр дүнд хүрсэн буюу 90 хувийн үнэлгээтэй, 8 арга хэмжээ нь 70 хувийн үнэлгээтэй, 8 арга хэмжээ нь эрчимжүүлэх шаардлагатай буюу 50 хувь, 3 арга хэмжээ 30 хувийн үнэлгээтэй, 2 арга хэмжээ нь 0 хувийн үнэлгээтэй дүгнэгдсэн байна. Биелэлтийн дүн дунджаар 91,38 хувьтай үнэлэгдэв.
ГУРАВ. ДҮГНЭЛТ
Сумын Засаг даргын үйл ажиллагааны төлөвлөгөөний биелэлт дунджаар 91,38 хувьтай буюу тодорхой үр дүн гарсан хэрэгжилттэй байна.
Сумын Засаг даргын үйл ажиллагааны төлөвлөгөөг арга хэмжээ тус бүрээр бүрэн хяналтад бүрэн авсан хэдий ч хэрэгжилтийг хангаж ажиллах талаар арга хэмжээ зохион байгуулаагүй, эрчимжүүэх шаардлагатай 11 арга хэмжээ, 2 арга хэмжээ 0 хувиар үнэлэгдсэн байна.
ДӨРӨВ. ЦААШИД АВЧ ХЭРЭГЖҮҮЛЭХ АРГА ХЭМЖЭЭ / ЗӨВЛӨМЖ /
Сумын Засаг даргын үйл ажиллагааны төлөвлөгөөний хангалтгүй хэрэгжсэн арга хэмжээг 2023 оны байгууллагын гүйцэтгэлийн төлөвлөгөө болон холбогдох мэргэжилтэн албан хаагчдын гүйцэтгэлийн төлөвлөгөөнд тусгаж хэрэгжилтийг эрчимжүүлж ажиллах.
Сумын Засаг даргын үйл ажиллагааны төлөвлөгөөний хэрэгжилтийг заалт тус бүрээр нь холбогдох албан хаагчдыг бүрэн хяналтад авхуулж хэрэгжилтийг хангаж ажиллах тал дээр ач холбогдол өгч хамтран ажиллах
Албан хаагчдын гүйцэтгэлийн төлөвлөгөөнд тайланг хугацаанд нь тайлагнаж ажиллах гэсэн заалтыг хуулиар тусгайлан олгосон чиг үүрэгт тусгаж, биелэлтийг тооцож ажиллах
Үр дүнгүй үнэлэгдсэн, хэрэгжилт удаашралтай заалтын хэрэгжилтийг 2023 ондоо багтаж үр дүнд хүргэх талаар арга хэмжээ авч ажиллах, байгууллагуудын дарга эрхлэгч нар, мэргэжилтнүүд холбогдох арга хэмжээг хэрэгжүүлэхийн тулд үйл ажиллагаагаа эрчимжүүлэх, Мөн байгууллагуудын хоорондын уялдаа холбоог сайжруулж, хариуцлагатай ажиллаж хэвшихийг нийт төрийн албан хаагчдад зөвлөмж болгож байна.
Тайлан бичих талаар зөвлөмжийг өгсөөр байхад алдаа, дутагдал гаргасаар байна.
Үүнд: Найруулга зүй, үг үсгийн алдаатай тайлагнасан, тайланд хүний нэр бичсэн, үг товчилж бичсэн, тайлангийн хэрэгжилтийг тайлагнахдаа шалгуур үзүүлэлт, хүрэх түшин, зорилт арга хэмжээтэйгээ дүйцүүлж тайлагнаагүй, дутуу тайлагнасан зэрэг алдаа дутагдал гарсан.
Цаашид тайлан мэдээг хугацаанд тайлагнаж байх, үг, үсгийн алдаагүй, утга найруулгатай, хүний нэр дурдахгүй, товчилсон үгээр тайлагнах мөн хийсэн ажлаа тодорхой тоо хэмжээтэй, өмнөх онтой харьцуулж тайлагнаж байх шаардлагатай байна.
