АМЬСГАЛЫН ЗАМЫН ХАЛДВАРТ ӨВЧЛӨЛӨӨС ХАМТДАА СЭРГИЙЛЭХИЙГ УРИАЛЖ БАЙНА
Томуу , томуу төст өвчний тархалт ихэссэнтэй холбогдуулан Дорноговь аймгийн Засаг даргын а/906 тоот захирамжийг баталлаа. Захирамжаар агентлаг байгууллага, сумдын Засаг дарга нарт хариуцсан чиг үүргийн хүрээнд халдвараас сэргийлэх ажлыг эрчимжүүлэх үүрэг чиглэлийг өглөө.
Ханиад, томуугийн дэгдэлт ихэссэнтэй холбоотойгоор Сайншанд сумын Нэгдсэн эмнэлэг болон өрхийн эмнэлгүүд, эмийн сангууд уртасгасан цагаар ажиллаж байна. Түүнчлэн сургууль, цэцэрлэгийн үйл ажиллагааг цахим хэлбэрт шилжүүлсэн.
Нийтээр тэмдэглэн өнгөрүүлэх баяр ёслолын цаг үе ирж байгаатай холбогдуулан иргэд та бүхэн олон нийтийн газраар үйлчлүүлэхдээ халдвар хамгааллын дэглэмийг баримтлан үйлчлүүлнэ үү.
