АЙМГИЙН ЖИЛИЙН ХӨГЖЛИЙН ТӨЛӨВЛӨГӨӨНД ХЯНАЛТ ШИНЖИЛГЭЭ ҮНЭЛГЭЭ ХИЙСЭН ТАЙЛАН
АЙМГИЙН ЖИЛИЙН ХӨГЖЛИЙН ТӨЛӨВЛӨГӨӨНД ХЯНАЛТ ШИНЖИЛГЭЭ ҮНЭЛГЭЭ ХИЙСЭН ТАЙЛАН
(2024 оны жилийн эцсийн байдлаар)
Нэг. Хяналт-шинжилгээ, үнэлгээний зорилго, үндэслэл, арга зүй
Аймгийн жилийн хөгжлийн төлөвлөгөөний зорилт, арга хэмжээний биелэлтийг сумын түвшинд хангуулах гүйцэтгэлийн явцад хяналт-шинжилгээ хийж үнэлэх, дүгнэлт өгөх, цаашид анхаарч ажиллах асуудлын талаар санал, зөвлөмж боловсруулах холбогдох байгууллага, албан тушаалтанд бодит мэдээлэл өгөх, хангах зорилгоор энэхүү хяналт шинжилгээ, үнэлгээний ажлыг гүйцэтгэхэд оршино.
Төлөвлөгөөнд тусгагдсан арга хэмжээнүүдийн хэрэгжилтийг дүгнэхдээ Засгийн газрын 2020 оны 206 дугаар тогтоолоор баталсан “Бодлогын баримт бичгийн хэрэгжилт, захиргааны байгууллагын үйл ажиллагааны хяналт-шинжилгээ, үнэлгээ хийх нийтлэг журам”-ын үндэслэл болгов.
Хоёр. Хяналт-шинжилгээ, үнэлгээний үр дүн
2024 оны жилийн эцсийн байдлаар хяналт шинжилгээ, үнэлгээний албан ёсны цахим хуудсанд байршуулсан сумын чиг үүрэгт хамааралтай 155 арга хэмжээг хяналтад авч, биелэлтийг гарган, хяналт-шинжилгээ, үнэлгээ хийлээ.
Хяналтад авсан 109 арга хэмжээний дунджаар 87.3 хувьтай үнэлэгдэв.
Гурав. Дүгнэлт
Аймгийн жилийн хөгжлийн төлөвлөгөөний хэрэгжилтээр огт хэрэгжээгүй 10 арга хэмжээ байна. Үүнд:
Хөршийн холбоог сайжруулахад чиглэсэн контент хийх
Үндэсний аюулгүй байдлын үзэл баримтлалын талаар иргэдэд мэдээлэл, сургалт зохион байгуулах
Сумдын мал нядалгааны цэгийг эрүүл ахуйн шаардлагад нийцүүлэн засварлах
Малчдыг бэлчээрийн даацдаа тохируулан сүргийн эргэлт тооцоолол хийх талаар бүсчилсэн сургалт хийх
Устсан геодезийн цэг тэмдэгтийг сэргээн засварлах, хамгаалах
Хүнсний гол нэрийн бүтээгдэхүүн үйлдвэрлэх тохиромжтой байршлуудад ҮТП байгуулах хувийн хэвшлийг инженерийн дэд бүтцээр дэмжих Энэ чиглэлээр санал санаачлага ирээгүй
Нийгмийн халамжийн үйлчилгээнд ISO нэвтрүүлэх
Соёлын үйлдвэрлэл эрхлэгч, иргэн, хуулийн этгээдийн Улсын чанартай арга хэмжээнд орон нутгийн үйлдвэрлэгчдийг оролцуулах
"Торгон хил" арга хэмжээг зохион байгуулах
Зарим эмнэлгүүдэд автомашины парк шинэчлэлийг хийх гэсэн арга хэмжээнүүд огт хэрэгжээгүй 0% үнэлсэн байна.
Сургалт зохион байгуулах, контент бэлтгэх арга хэмжээг сумандаа зохион байгуулах боломжтой байсан гэж харж байна. Албан хаагчид арга хэмжээг хяналтад бүрэн авдаггүй хэрэгжилтийг хангаж ажиллаагүй байна. Сумын эрүүл мэндийн төвд аймгаас 2021 онд Фургон авто машин, 2023 онд мөн авто машин олгож байсан. Тайлант онд парк шинэчлэлт хийгдээгүй тул 0% үнэлсэн гэж ойлгож 0% нь дүгнэлээ.
Авто машины хувьд эрүүл мэндийн төвийн дарга аймгийн ажлын хэсэг ирж ажиллах үед авто машинтай болгох талаар хүсэлт тавьж байсан. 2023 онд олгогдсон авто машин нь хөдөө дуудлагад явах боломжгүй гэж Онцгой байдлын нэр дээр манай сум руу шилжүүлээгүй байна.
Байгууллагын дарга нар, жолооч нар нь олгосон авто машины бүрэн бүтэн байдлыг хамгаалах, засвар үйлчилгээ дор бүр нь хийгээд явдаг бол шинээр олгосон Фургон авто машин нь 3 жилийн хугацаанд явахгүй хэмжээнд хүрэхгүй байсан байх гэж үзэж байна. Ер нь бол төрөөс олгож байгаа авто машин, техник хэрэгсэл дээр өөриймсөг арги гамтай хэрэглэх, ээлж, сэлбэг хэрэгслийн тухай бүр нь шинэчлээд явах нь бас зүйтэй гэж харж байна.
Дөрөв. Цаашид авч хэрэгжүүлэх арга хэмжээ / Зөвлөмж /
Үр дүнгүй үнэлэгдсэн, хэрэгжилт удаашралтай заалтын хэрэгжилтийг жилдээ багтаж үр дүнд хүргэх арга хэмжээ авч ажиллах, төсөв, хөрөнгийн асуудлаас болж хэрэгжээгүй арга хэмжээний хэрэгжилтийг хангах, Мөн байгууллагуудын хоорондын уялдаа холбоог сайжруулж, хөрөнгө санхүү шаардагдахгүй ч удаашралтай байгаа арга хэмжээг эрчимжүүлэх, 2024 онд бүрэн хэрэгжүүлэх талаар зохион байгуулалтын арга хэмжээ авч ажиллах, тайлан мэдээллийг хяналт шинжилгээ, үнэлгээний программд тодорхой тоо баримт, огноотой, товч тодорхой бөгөөд нэг арга хэмжээг 2000 тэмдэгтэд багтаан тайлагнахыг анхаарч ажиллахыг байгууллагуудын дарга эрхлэгч нар, мэргэжилтнүүд нийт төрийн албан хаагчдад зөвлөмж болгож байна.
Тайлан бичих талаар зөвлөмжийг өгсөөр байхад алдааг гаргасаар байна.
Үүнд: Найруулга зүй, үг үсгийн алдаатай тайлагнасан, тайланд хүний нэр бичсэн, үг товчилж бичсэн, тайлангийн хэрэгжилтийг тайлагнахдаа шалгуур үзүүлэлт, хүрэх түшин, зорилт арга хэмжээтэйгээ дүйцүүлж тайлагнаагүй, дутуу тайлагнасан зэрэг алдаа дутагдал гарсаар байна. Төсөвт байгууллагууд тэр дундаа сумын Соёлын төв, Эрүүл мэндийн төв, Ерөнхий боловсролын сургууль тайланг маш хангалтгүй ирүүлсэн байна. Товлосон хугацаанд тайлан ирүүлэхгүй хугацаа хоцроож тайланг ирүүлж хяналт шинжилгээ хийх цаг гаргахгүй байна.
Цаашид тайлан мэдээг сумын Засаг даргын Тамгын газраас зааж өгсөн хугацаанд тайлагнаж байх, үг, үсгийн алдаагүй, утга найруулгатай, хүний нэр дурдахгүй, товчилсон үгээр тайлагнах мөн хийсэн ажлаа тодорхой тоо хэмжээтэй, өмнөх онтой харьцуулж тайлагнаж байх шаардлагатай байна.
Төсөвт байгууллагуудын хоорондын уялдаа холбоо муу, хамтач биш аливаа арга хэмжээ зохион байгуулахад бие биеэ дэмждэггүй, Байгууллагын дарга нарт нь бодлогын баримт бичиг хяналтад авч хэрэгжилтийг хангаж ажилдаггүй, тайлан мэдээг хянадаггүй. Төрийн ажил гүйцэтгэж байж бие биедээ хаалт тавь аливаа нэг арга хэмжээг гацаадаг удаашруулдаг асуудлаас болж Зорилт арга хэмжээнүүд хангалтгүй үр дүнгүй хэрэгжиж байна. Төрийн алба хаагчид, байгууллагын дарга нар аливаа арга хэмжээ зохион байгуулахдаа цаашид уялдаа холбоотой ажиллаж нэгдсэн төлөвлөөгөө сумын хэмжээнд гаргаж үр дүнтэй ажиллахыг нийт төрийн албан хаагчид болон байгууллагын дарга нарт үүрэг болгож байна.
ХЯНАЛТ ШИНЖИЛГЭЭ ҮНЭЛГЭЭ ХИЙСЭН:
ХУУЛЬ, ЭРХ ЗҮЙН МЭРГЭЖИЛТЭН Б.ЦЭЦЭГСҮРЭН
