ОЛОН-ОВОО БАГ

      Даланжаргалан сумын Олон-овоо баг нь Засаг захиргааны хувьд нутгийн удирдах ёсыг Иргэдийн нийтийн хурал,түүний тэргүүлэгчид,төрийн удирдлагыг багийн засаг дарга хэрэгжүүлэн ажилладаг.                  Тус баг нь баруун талаараа Бичигт баг,Хойд зүүн талаараа Элдэв баг,Урд талаараа Цомог багтай хиллэдэг.                                                                                   

    Ургамлын хувьд цөлөрхөг хээрийн бүс хамаарагдана. Шарилжны төрлийн ургамлууд түгээмэл тохиолддог ба үүнээс хамгийн элбэг болох агиас шаргал шарилж, олон зүйлийн цэцэгт ургамлаар баялаг. Харин хуурайшилтай жилүүдэд өвслөг болон бутлаг ургамал тэсвэртэй ургадаг.

       Газар зүйн болон эдийн засаг дэд бүтцийн үзүүлэлт; Даланжаргалан сумын хойд хэсэгт 12км-т байрлах босоо тэнхлэгийн авто зам  урд хэсгээрээ төмөр зам дайран өнгөрдөг.Гэрэл цахилгаан интернет сүлжээнд холбогдсон багийн төв юм.

       УБТЗ-ын Чулуун-завод(карьерийн үйлдвэр) Олон-овоо өртөө,Замын хэсэг ПД-7,БОС,Цахилгаан эрчим ус хангамж,Болор цэцэрлэг, холбоо зэрэг УБТЗ-ын Олон-овоо зангилаанд харъяалагдах олон ААН байгууллагуудаас гадна  Олон-овоо бага сургууль, Номт-ирээдүй цэцэрлэг, Худалдаа үйлчилгээний олон цэгүүд болон Хаан ба Төрийн банкны салбарууд үйл ажиллагаагаа явуулж байна.                                                 МАК цемент ХХК-ний цементний үйлдвэр борлуулалтын хэсэг жонш буулгах савлах талбай вагон болон авто пүү Штайнколе, Ачир ХХК-ний нүүрсний ачилт буулгалтын талбай ажиллан жонш нүүрсний ачилт хийгдэж байна. 

            Олон-овоо багийн хүн ам зүйн байдал- Олон-овоо баг нь 222 өрх, 753 хүн амтай үүнээс эрэгтэй- 404, эмэгтэй -349, 0-5 нас-75, 6-18 нас-198, ганц бие өндөр настан -10, 19-55нас-409, 56-с дээш-66 хүн байна.Хөгжлийн бэрхшээлтэй иргэн 24, ганц бие өрх-38, хагас өнчин хүүхэд-14 байна.

           Баг нь 15941 толгой малтай үүнээс тэмээ-87, адуу-374, үхэр-386, хонь-10135, ямаа-4959 толгой байна.