ЭЛДЭВ БАГ

 Даланжаргалан сумын “Элдэв” баг нь анх “Оргил” баг нэртэйгээр байгуулагдсан бөгөөд тус баг нь 90,490 га газар нутагтай. Засаг захиргааны хувьд нутгийн өөрөө удирдах ёсыг иргэдийн нийтийн хурал, түүний зөвлөл  төрийн удирдлагыг багийн засаг дарга хэрэгжүүлэн ажилладаг. ”Элдэв” баг нь нутгийнхаа баруун талаараа Шивээговь сум, баруун хойд талаараа Говьсүмбэр аймаг, зүүн хойд талаараа Хэнтий аймгийн Дархан сум, зүүн болон зүүн урд талаараа өөрийн сумын “Өнгөт” багтай, урд талаараа “Цомог” багтай хиллэн оршдог. Багийн төв нь сумын төвөөс хойд зүгт 30 км-ийн зайд оршдог. 2022 оны 9 дүгээр сард багийн нутагт үйл ажиллагаа явуулдаг “Говийн шилмэл зам” ХХК-ний 100 хувийн хөрөнгө оруулалтаар шинэ багийн байр баригдаж ашиглалтанд орсон байна. Баг нь 2021 оны жилийн эцсийн байдлаар 57,426 толгой малтай, үүнээс тэмээ- 60, адуу-3964, үхэр – 2521, хонь -28,804, ямаа- 22,077 толгой байна.

            Ан амьтаны хувьд: тарвага, үнэг, чоно, хярс, зээр, аргаль, янгир зэрэг олон төрлийн ан амьтадтай.

Ургамлын хувьд цөлөрхөг хээрийн бүлгэмдэл зонхилно. Шарилжны төрлийн ургамлууд түгээмэл тохиолддог ба үүнээс хамгийн элбэг болох шаргал шарилж, олон зүйлийн цэцэгт ургамлаар баялаг.

Тус багийн нутаг дэвсгэрт Ачир ХХК, Штайнколе ХХК, Билэгт баялаг ХХК, Фриендшип ресурсис ХХК, Арвижих энерги ХХК, Говийн шандаст хүлэг ХХК, Пауэрлэнд ХХК, Чингисийн хар алт ХХК зэрэг байгууллагууд нүүрс олборлох үйл ажиллагаа явуулдаг бол Хас металл ххк, Мөнгөн хас шонхор ххк, Хасрич ххк-ууд жонш олборлох чиглэлээр үйл ажиллагаа явуулдаг.

• Элдэв багийн хүн ам зүйн байдал:

  Өнгөт баг нь 151 өрх, 421 хүн амтай, үүнээс эрэгтэй-227, эмэгтэй-194, 0-18 насны 164, 18-55 насны -210, 55-дээш настай-47 хүн байна. Хөгжлийн бэрхшээлтэй иргэн 11 иргэн, хүн амын 27% нь сумын төвд амьдардаг.

     2022 оны байдлаар мянгат малчин өрх 17, Улсын аварга малчин өрхөөр Н.Буяндэлгэр, Аймгийн аварга малчин өрхөөр П.Баярсайхан,Ш.Энхбаатар нар тус тус шалгарсан.