ЦОМОГ БАГ

           Даланжаргалан сумын Цомог баг нь нутгийнхаа баруун талаараа  Бичигт, Олон-Овоо баг, баруун хойд талаараа Элдэв баг, зүүн хойд талаараа Өнгөт багтай хиллэдэг.

            Цомог баг нь 241 өрх, 776 хүн амтай, 7632 толгой малтай, үүнээс 278 адуу, 447 үхэр, 3567 хонь, 3340 ямаатай. Мөн тус багт Засаг даргын Тамгын газар, ЗХ-ний 281 дүгээр анги,  300 гаруй сурагчтай 9-н жилийн  Ерөнхий боловсролын Сургууль, 120 хүүхэдтэй цэцэрлэг, Эрүүл мэндийн төв, Соёлын төв зэрэг төрийн байгууллагууд, Улаанбаатар төмөр замын харъяа Цомог зөрлөг, Чойр төмөр замын 3 дугаар ангийн харъяа замын 13 дугаар хэсэг, “Чандмань-Илч” ОНӨХК-ний Даланжаргалан салбар, “Талст дөл” ХХК-ний жонш баяжуулах үйлдвэр, “Монголиан флюор спар” ХХК жонш баяжуулах үйлдвэр, Их жаргалан трейд ХХК, Их голын говь ХХК, Даланчанар ХХК, Говь Оюу уул ХХК, Тэгшбаярлах ХХК, Даланжаргалан Оюу ХХК, Налгархайрхан ХХК, Хаан болон Төрийн банк, “Чандмань түрүү хоршоо болон Улсын тэргүүний “Боржгон туяа” хоршоо зэрэг төрийн болон хувийн хэвшлийн байгууллагууд үйл ажиллагаагаа явуулж байна.

              Урлаг спортын олон алдартнууд байдаг бөгөөд Гар бөмбөгийн спортын Олон улсын хэмжээний мастер Д.Цэндхүү, МУСТАжилтан М.Шаравжамц, Б.Шинэцэцэг, Х.Ганболд, МҮЭСТАжилтан Т.Доржпалам, сурын спортын мастер, аймгийн онч мэргэн харваач Ч.Батцэрэн, Боксын Спортын мастер Б.Пүрэвжав, чөлөөт бөхийн спортын мастер Б.Эрдэнэбаяр, Т.Баярсайхан, эмнэг сургалтын спортын мастер Г.Сосорбарам, даамын спортын мастер С.Энхтүвшин, аймгийн начин Н.Баярсайхан, аймгийн алдарт уяач Н.Хишигдорж, Э.Чулуунбаатар  аймгийн шагайн гоц мэргэн Н.Бат-Эрдэнэ, сумын заан О.Амгаланбямба, Т.Баярсайхан, Т.Баяржавхлан нарын алдартнууд төрөн гарсан баг юм.